Löggulíf

Vandræðagemsarnir Þór og Danni reka gæludýraþjónustu og eru í sambandi við alþjóðlegan fálkasmyglara sem þeir ætla að selja kjúklinga, dulbúna sem fálkaunga. Fyrir röð tilviljana eru þeir félagar skyndilega komnir í vinnu hjá lögreglunni við að fylgjast með hegðun borgarbúa. Þeim tekst að sjálfsögðu að koma sér í ótrúleg vandræði og þurfa meðal annars að eiga við glæpagengi skipað eldri konum, næturdrottninguna og útigangsmann á Arnarhóli.